السلام عليكم
حوار لطيف بين زوج مع زوجته
هو:
حبيبتي أنا حأطلب بيتزا ، عايزة حاجة ؟
هي:
لا يا حبيبي
هو :
أوكي
هي:
ولا أقولك ..؟
هو:
ها ، أطلب لك كمان ؟
هي:
مش عارفة
هو :
مش عارفة إذا كنتي عايزة ؟
هي:
لا
هو:
إنتِ جعانة ؟
هي:
يعني
هو :
يعني إيه يعني...؟
هي:
يعني مش متأكدة إذا كنت جعانة ولا لأ.
هو:
الواحد لما بيكون جعان بيعرف
هي :
لأ بس يمكن أجوع بعدين
هو:
يعني أطلب لك بيتزا؟
هي:
طيب وإذا ما كنتش جعانة وقتها..؟
هو :
ما تاكليش
هي :
بس ده كدة يبقى تبذير
هو:
خلاص ، تبقي تاكليها بكرة
هي:
و إذا ما كانش ليه نفس آكل بيتزا بكرة؟
هو :
مش محتاجة نفس ، الواحد عادي ممكن ياكل بيتزا كل يوم
هي:
أنا لا .. أنا مش باكل بيتزا إلا لما يكون عندي نفس للبيتزا
هو:
طيب بلاش ، أطلب لك حاجة تانية؟
هي:
بس أنا مش عايزة حاجة تانية
هو:
يعني عايزة بيتزا؟
هي :
لا
هو:
يعني مش عايزة حاجة؟
هي:
لأ برضه
هو :
جننتيني ، طب أعمل إيه؟
هي:
إطلب إنت لنفسك
هو:
الحمد لله ، أخيراً .. ماشي ..
هي :
بس إطلب بيتزا بالتونة
هو:
نعم ؟ أنا مش بحب البيتزا بالتونة
هي:
بس أنا بحبها
هو:
وإنتي مالك ؟ هو أنا حاطلب ليا ولا ليكي
هي:
ليك طبعاً
هو:
طيب أطلبها ليه بالتونة...؟
هي:
يمكن أجوع لما يوصل الاكل
هو :
وبعدين؟
هي:
يا سلام ، يعني تفتكر آكل حاجة مش عاجباني؟
هو:
ليه هو إنتي – أصلاً - عايزة تاكلي؟
هي :
ليه لأ ؟
هو:
يا مثبت العقل .. هو أنا حاطلب بيتزا ليه , عشان إحتمال إنتِ تاكليها إذا كنتي جعانة؟؟
هي:
بالضبط
هو:
وأنا بلاش آكل؟
هي:
يمكن وقتها أكون مش جعانة فتاكلها إنت
ملاحظة
محكمة الجنايات قررت تبرئة الزوج من تهمة
"قتل الزوجة مع سبق الإصرار والترصد"
وتحويل التهمة إلى ..
"قتل الزوجة دفاعاً عن النفس"
سلام
موضوع: حوار لطيف بين زوج وزوجته 
الإثنين مارس 16, 2009 5:38 am